Thursday, January 12, 2012

SABSE PYAARA BANDHAN


Ek rista hai pyaara sa, komal sa aur nyaara sa...
isme kisi ki jeet nahi hai,isme kisi ki haar nahi...
ladtey hai hum aapas me par ye koi takraar nahi...
dil se dil ka mail anokha, jisne diya kabhi na dhokha..
Aesa laad na kisi ki aakho me, aur esa kahi dulaar nahi..

bachpan me jo bada rulaata, ab aasu mere dekh naa pata
saarobaar kar de khusiyon se, is jaisi koi bauchaar nahi...
pahle to ye daat lagaye, gar ro du to ye pachtaaye....
jitna rangeen ye rista hai., utna holi ka tyohaar nahi....

mummy se meri chugli lagaye, papa k kahar se mujhe bachaye
kahta tha aksar chede koi bahna ko, koi esa barkhurdaar nahi...
mujhse lipat kar roya tha, bola kuch u k sab khoya tha....
khush rahna sasuraal me jakar, ab tera ye ghar baar nahi...

aaj zamaane beet gaye, bachpan k sangeet gaye
bhai bahan ka hai pyaar wahi , wo bhale  riwaaz au reet nahi
badle dastur zamane k ho, par mera to ghar baar wahi hai
na badla jo zamane me ab tak, bhai tera pyaar wahi hai........


love u alot my bhai..........u really made me feel proud ...........

No comments:

Post a Comment