paati pati k naam

Priytam tumhe pranaam likhu,is ghar k haal tamam likhu...

Amma Babu jee kaise hai? kya vitto aur devar  ji k pas paise hai?

Apni chutki kaisi hai? kya wo bhi mere jaisee hai?

in prasno k uttar mai kalam ka haath thaam likhu

priytam tumhe...........................

gussaati hai amma ab bhi, dava bhulte hai baba jab bhi

baat na puchho devar je ki, pareeksha top kari hai abki

vitto apni hui paraayi , Sarkari babu sang hui sagaayi

chutki mere paas me soyi, bachpan k sapno me khoyi

khusiyan jinki tumse hai, in chehro ki mai muskaan likhu, 

Priytam tumhe................

Apni batao kaise ho?badle ho ya waise ho?

din bhar jab majduri kark, der raat ko aate ho

kuch pakakar khate ho ya bhukhe he so jaate ho?

thand hai padne lagi waha pe, Devar je se suna yaha pe

garam sweatar khareed liya  yaa aag se kaam chalate ho?

humko khusiyan dene ko,dete ho jo imtehaan likhu

Priytam tumhe.......................

Mai ghani thand ki sirhan se,priytam se bichdi birhan se

aankho me tum baste aise , patti pe oos k moti jaise

takti hu tumahari raah is kadar,k har aahat pe chaukti hai nazar

tumhari prateeksha karte hai sab, aa jao ghar jaldi se aab

ant me is paati k ab sang tumhare apna naam likhu

Priytam tumhe pranam likhu..is ghar k haal tamam likhu.....................preeti

MADHUSHAALA AUR MADHUBAALA

Bandhi hai bediyaa jamaane ki, mai kaise maykhaane me jaau

koi to jariyaan mile mujhe bhi, itna dard kaha chhippaau

jaane do mujhko bhi madhushaala,peeno do mujhjo bhi pyaala

ho jaatein hai behosh deewane, jab aate hai wo maykhaane

panaah mile gar mujhko bhi to, to mai bhi apne hossh gawauu

Bandhi hai bediyaa jamaane ki..mai.......................................

Aankho se chhalakte  jaam mere,dil se bikharte armaan mere

zindagi jeete hai roj marne wale,jab haatho me  milte  hai haale

gar mil jata mujhko bhi  ek haala , mai bhi roj naa maari jauu

Bandhi hai bediyaa jamaane ki...mai..................................

aaj nashe me saaki hai,  dekh teri yeh madhubaala

tera dard bhulaane ko pahuch gayi hai madhushaala

gam me bhi aanand mile, jab madira se do adhar mile

aaj mujhe bhi peene do, k mai bhi thoda muskauu.......

.Preeti